Шпанските медиуми ја разоткрија преписката меѓу челниците на Барселона од времето на Хозеп Бартомеу во која најдлабокото раководство на клубот го навредува Лионел Меси.
Тогаш во Барселона се намалуваа договорите и платите на играчите, а Меси не попушти под притисокот да прифати помала плата.
„Барти, не можеш да бидеш толку добар со тој канализациски стаорец. Овој клуб му даде сè, а потоа се одлучи за трансфери, нови договори, спонзори за себе… Мора да размислите за договорот на Суарез, тој на Жорди Алба, а има и провизии за потписот на Ансу Фати и агентот на Меси, кој нели не знае ни да чита, а партнерот му е дилер. Сите ние во клубот страдаме од тоа хормонално џуџе, кое може да и се заблагодари на Барса што воопшто е жив“, му напишал клупскиот адвокат Роман Гомез Понти на претседателот на клубот.
