Јувентус доживеа фијаско на гостувањето кај Наполи во 18.коло на Серија А. „Бјанконерите“ доживеаја пораз од 5:1 на стадионот „Диего Армандо Марадона“ овозможувајќи му на противникот да направи убава разлика на табелата во трката по титулата.
Јувентус прима пет гола на еден меч за првпат по 30 мај 1993 година (тогаш против Пескара пораз од 5:1). Дополнително, Наполи постигнува пет гола против Јувентус втор пат во клупската историја, првиот пат на 20 ноември 1988 година.
Резултатот го отвори Осимен во 14. минута, зголеми Кваратшкелија во 39. минута. Три минути подоцна намали Ди Марија. Во второто полувреме Наполи го демолира ривалот.
Рахмани зголеми на 3:1, Осимен на 4:1, а Елиф Елмас, кој влезе на стартот на второто полувреме ги постави конечните 5:1.
Квича Квартшкелија имаше прекрасен настап затоа што освен еден гол запиша и две асистенции.
Наполи е лидер со 47 бода, а по 37 имаат вториот Милан (меч помалку) и третопласираниот Јувентус.
