Украинскиот фудбалер Михајло Мудрик ќе стане нов фудбалер на Челзи откако „сините“ го претркаа Арсенал и им го „собраа“ крилниот фудбалер. „Топчиите“ долго време целеа на фудбалерот на Шахтјор, меѓутоа не се согласуваа да платат 100 милиони евра за фудбалерот и пробуваа да ја намалат сумата.
Додека од Арсенал се ценкаа, од Челзи денеска во Полска се сретнале со луѓето од Шахтјор и го договориле трансферот, пренесува „Атлетик“. Исто така се наведува дека играчот веќе се упатил од Турција кон Лондон каде што наскоро ќе потпише договор со новиот клуб.
Шахтјор ја прифатил понудата на Челзи од 70 милиони евра плус 30 милиони во форма на бонуси.
Инаку Мудрик се смета за еден од најголемите таленти во Европа, а ја доби и наградата за најдобар играч на Шахтјор за 2022 година.
🚨 Chelsea have reached an agreement with Shakhtar Donetsk for Mykhailo Mudryk. €70m + €30m add-ons. 7+ year contract agreed. Leaving Turkey for London to undergo medical. Not signed yet but done deal. W/ @SJohnsonSport @AdamCrafton_ @TheAthleticFC #CFC https://t.co/LlFyvfQvho
— David Ornstein (@David_Ornstein) January 14, 2023
