Со три убедливи порази во исто толку одиграни натпревари, македонската ракометна репрезентација ја завршува групната фаза на Светското првенство. Утре, нашите момци се селат во Плоцк, таму ќе игра на Президент Купт, поточно за конечен пласман.
Кирил Лазаров на официјалната прес-конференција посочи дека не е задоволен од она што го виде на теренот. Ќе мора уште многу да се работи за да достигне некое ниво кое ќе носи победи.
„Честитки до Аргентина, ја заслужија победата. Можеби ова е реалноста, пред почетокот на светското првенство подобро котираше од нас. Во овој момент е подобра од нас, видовме дека оваа Македонија со осум млади играчи, кои се за првпат на големо првенство, ќе мора да работат многу за да бидат добри. Очекував дека ќе изгубиме три гола, но трипати да се изгуби ваква разлика не е ралност. Притистокот кој го имаат на ова првенство, не знаат да се носат со тоа. Не сум задоволен, мора да работиме многу ако сакаме да направи новата генерација како порано“, изјави Лазаров.
