Лоши вести за Јувентус. Федералниот апелационен суд го прифати барањето на Обвинителството на Италијанската фудбалска федерација за повторно отворање на случајот за капитални добивки во кој е вклучен Јувентус.
Исто така делумно се прифатени барањата за санкции, но наместо побараното одземање на 9 бода, судот изрече уште подрастична казна, така што на Јувентус ќе му бидат одземени дури 15 бода од контото оваа сезона.
Сега, Јуве ќе може да поднесе жалба против оваа одлука до советот за спортови на Италијанскиот олимписки комитет.
