По ремито со Саутемптон, тој изјави дека во Тотенхем се навикнати да не играат за нешто важно, дека не се под притисок и не било премногу далеку да се користи терминот „менталитет на мал клуб“…
Не е тајна дека Конте сака да го напушти клубот на крајот на сезоната, незадоволен од многу работи, но не треба да се исклучи опцијата Тотенхем да го отпушти за неколку дена.
Јавно ги понижи клубот, играчите и сопственикот, иако има основа за се што ќе каже. Меѓутоа, доколку тој сепак остане на клупата, тие само ќе ја наведнат главата пред овие наводи.
„Конте сака да добие отказ за време на репрезентативната пауза. Спарс треба да го решат и да го направат тоа вечерва“, напиша вчера Џејми Карагер на својот Твитер профил.
Италијанскиот стручњак се поврзува со враќање во татковината. Интер повторно доаѓа како опција, тука е и Јувентус во зависност од тоа каде ќе ја заврши сезоната… Но, едно е сигурно – Тотенхем наскоро ќе има нов тренер.
