Лучијано Спалети сам побарал да го напушти новиот италијански шампион Наполи по оваа сезона, изјави претседателот на клубот Аурелио Де Лаурентис.
Долго време се шпекулираше за неговото заминување по завршувањето на сезоната, а сега претседателот на Наполи, Де Лаурентис ги потврди озборувањата.
„Спалети ми кажа дека завршил еден циклус и побара дозвола да го напушти клубот бидејќи сака одмор. Ќе го почитувам тоа, дури и да има договор“, вели Де Лаурентис.
64-годишниот Лучијано Спалети е тренер на Наполи од летото 2021. Оттогаш, во водеше клубот на 95 натпревари, со просек од 2,09 освоени бода по натпревар.
