Тренерот на Наполи, Лучијано Спалети е прогласен за тренер на годината во Серија А за сезоната 2022/23.
Наградата ќе му биде врачена пред натпреварот од 38. коло на италијанското првенство каде Наполи на 4 јуни ќе игра против Сампдорија. Наполи оваа сезона стана шампион на Италија за првпат по 1990 година. Скудетото беше трето за тимот во историјата.
Спалети претходно потврди дека го напушта тимот на крајот на сезоната.
