Властите во градот Мангаратиба на јужниот брег на Рио де Жанеиро го казниле Нејмар со 16 милиони реали (повеќе од 3,3 милиони долари) за изградба на вештачко езеро и област за капење на неговиот имот.
Според локалните обвинители, играчот не го обезбедил потребниот еколошки надзор за работата. Тој е обвинет и за „поместување на почвата“ и „уништување вегетација“.
Претходно, локални екологисти, по анонимна жалба, извршија увид во домот на Нејмар и констатираа прекршување на еколошките стандарди, вклучително и неовластено користење на водата од една од реките. Потоа решија и да ја забранат употребата на акумулацијата и просторот за капење, оградувајќи ги и лепејќи пораки, но тоа не го спречи Нејмар, по неколку дена, да објави фотографии на социјалните мрежи како се капе во езерото со прекршување на забраната. Фудбалерот сега има 20 дена да се жали на одлуката на локалните власти.
Jogador foi multado por iniciar a obra sem licença, por movimentar terra sem autorização ambiental, e ainda por descumprir embargo judicial e entar no lago interditado https://t.co/IXJUqIpBXT #g1
— g1 (@g1) July 3, 2023
