Играчот од средниот ред на Брајтон, Моисес Каиседо, призна дека не може да ја одбие понудата да игра за Челзи следната сезона, а која е пристигната на негова адреса. Уште во јануари клубот од Стемфорд Бриџ беше заинтересиран, а Арсенал упати две понуди до Брајтон, кои беа одбиени. Подоцна Каиседо дури потпиша нов договор со „Галебите“, кои поради тоа се во силна позиција и бараат да се испочитува откупната клаузула од 100 милиони фунти. Челзи се обидува да ја намали цената и да го земе играчот за околу 85 милиони. Преговорите се во тек, а Каиседо во меѓувреме ќе ги започне предсезонските тренинзи со Брајтон. Интересно, за точно десет дена двата тима ќе се сретнат во Филаделфија на пријателски натпревар.