Андре Онана и официјално е нов голман на Манчестер Јунајтед.
Англискиот клуб го објави трансферот на 27-годишниот камерунски чувар на мрежата. Тој потпиша 5-годишен договор со опција за продолжување на уште една сезона.
Претходно беше објавено дека Интер ќе добие 52,5 милиони евра како фиксна сума од продажбата на играчот, а уште 5 милиони се обезбедени како лесно остварливи бонуси.
Денеска новиот голман на Манчестер Јунајтед полета од Англија за Њујорк, каде ќе им се приклучи на новите соиграчи на американската турнеја.
