Уругвајскиот напаѓач важи за клучно засилување за аргентинскиот гигант во борбата за Копа Либертадорес и аргентинскиот шампионат, а пречекот што го доби на култниот стадион го расплака.
Бока во саботата објави дека 36-годишниот уругвајски репрезентативец потпиша договор со важност од 18 месеци.
Кавани го носеше дресот со број 10 кој некогаш беше единствениот број на Диего Марадона.
„Ова е голема емоција. Кога имав 12 години, бев таму каде што сте вие и почувствував желба да бидам баш тука“, им порача Кавани на навивачите и додаде: „По толку многу години каде фудбалот ми даде по малку од се, сум на местото каде уживам со своето семејство“.
New Boca Juniors No10 Edinson Cavani is greeted by an electrifying crowd at La Bombonera.
— Warriors of Uruguay (@UruguayanHeroes) July 31, 2023
#Cavani is unveiled to a static #Bombonera pic.twitter.com/0NVmtnk9Zz
— Boca in English | Podcast (@CABJ_English) July 31, 2023
Напаѓачот настапуваше за Уругвај на последните четири изданија на Светското првенство. За репрезентацијата постигна 58 гола на 136 настапи.
Кавани во својата богата кариера настапуваше за Палермо, Наполи, ПСЖ, Манчестер Јунајтед, Валенсија…
