Неверојатниот Норвежанец Карстен Ворхолм го освои златото на трката на 400 метри со пречки, која беше последна финална дисциплина на петтиот ден на Светското атлетско првенство во Будимпешта. За Норвежанецот ова е трета светска титула постигната со време 46,89 секунди. Тој дојде до златото по победите и на СП во 2017 и 2019 година. Кајрон Мекмастер од Британските Девствени Острови (47,34) го освои второто место, а бронзата му припадна на Американецот Раи Бенџамин (47,56).
Norway get their gold! 🥇🇳🇴
Karsten Warholm makes it a hatrick of World Championship titles in the 400m hurdles 👏🐐 pic.twitter.com/6z8Cuc1DvO
— Eurosport (@eurosport) August 23, 2023
На трката на 400 метри за жени, Марилеиди Паулино од Доминиканската Република ја освои титулата светски шампион со нов национален рекорд 48,76 секунди. Некои од главните фаворитки како пребрзо да го започнаа финишот, особено Холанѓанката Лике Клавер, која на крајот ја загубија силата и остана без медал. Тоа го искористи Наталија Качмарек од Полска која стигна до среброто, додека бронзата и припадна на Сада Вилијамс од Барбадос.
La dominicana Marileidy Paulino nueva campeona del mundo en 400 metros planos. pic.twitter.com/3cEV04zRHA
— Cristhian Jiménez (@CristhianJ30) August 23, 2023
