„СпортСпорт“ во Малта, Игор Д. Ивановски
Убава е атмосферата во нашиот табор по тие 1:1 со Италија, по одличната игра и одличниот резултат против европскиот првак. Токму затоа и утринското кафе на терасата на хотелот “Вестин“ на Малта е пријатно,убаво.
Муабетот фудбалски, има и нешто “неврзано“ со фудбалот кога на една маса се Барди, херојот од мечот со Италија и големите борци Муслиу и Зајков. Сите тие се дел од онаа златна генерација од ЕП 2017 за младинци. Се знаат во душат што се вели и знаат што се бара од нив, што бара од нив селекторот Милевски. А со него беа и на тоа младинско првенство. Тука е и Илјазовски да слушне нешто повеќе од своите репрезентативни колеги, како нов во тимот секако дека и треба.
Италија е минато, сега фокусот е ставен на дуелот со Малта кој сеигра утре со почеток од 20:45 часот.
И повеќе од јасно им е на Енис, Висар и Ѓоко дека мора да се освојат тие три бода утревечер.
Сега е време за одмор, а попладне ќе се одработи оној вообичаен тренин пред утрешниот меч со Малта во рамките на квалификациите за ЕВРО 2024.
