Поранешниот играч на Јувентус, Леонардо Бонучи даде ексклузивно интервју за италијанската телевизија Медиасет. Ветеранот кој летото „бјанконерите“ го прогласија за непотребен и се пресели во Унион Берлин, ги нападна тренерот Масимилијано Алегри и раководството на торинскиот клуб.
„Читав и слушнав лажни работи кажани од Јувентус и тренерот. Не е точно дека во октомври и февруари бев информиран за намерата на клубот да се раздели со мене. Навистина, на крајот на мај дадов можност да бидам петти или шести избор во одбраната за да им помогнам на младите играчи“, изјави Бонучи.
