Екипата на Вест Хем може да се пофали со нешто што ниту еден друг англиски клуб не успеал да го направи во Европа. Вест Хем со победата над Фрајбург во гости со 2:1 стана првиот англиски тим кој успеал да врзе 17 натпревари без пораз во европските купови.
Во сезоната 2021/22 тие беа запрени во полуфиналето со двоен пораз од Ајнтрахт Франкфут. Па потоа во сезоната 2022/23 во Лигата на конференции почна нивната серија. Од плеј-офот со двојна победа над дански Виборг, следуваа шест победи во групната фаза во која играа уште ФЦСБ, Андерлехт и Силкеборг, потоа два пати го победија АЕК Ларнака, па победа и реми со Гент во четвртфиналето, па две победи над АЗ Алкмар во полуфиналето и победа над Фиорентина во финалето.
Оваа сезона во групната фаза на ЛЕ, во првото коло ја победија Бачка Топола, а сега и Фрајбург. Вкупно 16 победи и едно реми.
Секоја чест за популарните „Чекани“.
The longest unbeaten run by an English side in European history.
Massive ⚒️ pic.twitter.com/N7DdKJ8hWP
— West Ham United (@WestHam) October 5, 2023
