Искусниот 30-годишен хрватски интернационалец Дејан Скочиќ е ново засилување за македонскиот одбојкарски прволигаш Весна Пробиштип. Тимот кој со сериозни амбиции влезе во новата сезона, успеа да најде решение за пополнување на блокерската позиција со доведување на искусен одбојкар, кој досега ги бранеше боите на повеќе хрватски клубови.
Скочиќ во пробиштип доаѓа од екипата на ОК Сплит, а претходно настапуваше и за Младост Рибола Каштела. Како интернационалец има една сезона во германските лиги.
Скочиќ ќе биде одлично освежување за пробиштипјани, кои веќе утре ги чека големо дерби против шампионот Струмица.
