Манчестер Сити се пласира во осминафиналето на Лигата на шампионите по вечерашната победа над Јанг Бојс со 3:0 (два гола на Халанд). „Граѓаните“ во 4 меча собраа 12 бодови и изборија место понатаму. Во истата група, на стадионот „Рајко Митиќ“ во Белград, српскиот шампион Црвена Звезда загуби од РБ Лајпциг со 1:2. Чави Симонс со прекрасен гол го отвори резултатот уште во 8.минута, а зголеми Лукас Опенда во 77. минута. Четири минути подоцна Хенрикс си постигна автогол за конечниот резултат. Со овие бодови и Германците заедно со Сити се осминафиналисти.
Во дербито на групата Ф, екипата на Милан го совлада Пари Сен Жермен со 2:1 на свој терен и со тоа остана во игра за пласман во нокаут рундата во Лигата на шампионите. Вечерва на „Сан Сиро“, италијанската екипа ја впиша првата победа во четвртиот меч, а ПСЖ вториот пораз по оној од Њукасл.
А Французите отворија со голот на Милан Шкринијар во 9.минута, сепак, три минути подоцна по една одбрана на Донарума, бразилскиот напаѓач Рафаел Леао се најде на вистинско место и со ножички ја смести топката во мрежата.
Во 50. минута одличен центаршут на Хернандез, а Жиру со висок скок и удар со глава го совлада Донарума за конечни 2:1.
Brilliant finish by Rafael Leão pic.twitter.com/EFe1eG3YdY
— FootColic ⚽️ (@FootColic) November 7, 2023
Во истата група Дортмунд го совлада Њукасл со 2:0, па на табелата Германците се први со седум бодови, ПСЖ е втор со шест, Милан има пет, а Њукасл четири.
РЕЗУЛТАТИ, 4.КОЛО
ГРУПА Ф
БОРУСИЈА Д. – ЊУКАСЛ 2:0
МИЛАН – ПСЖ 2:1
ГРУПА Е
АТЛЕТИКО – СЕЛТИК 6:0
ЛАЦИО – ФЕЕНОРД 1:0
ГРУПА Г
ЦРВЕНА ЗВЕЗДА – ЛАЈПЦИГ 1:2
МАНЧЕСТЕР СИТИ – ЈАНГ БОЈС 3:0
ГРУПА Х
ПОРТО – АНТВЕРПЕН 1:0
ШАХТЈОР – БАРСЕЛОНА 1:0
