Лионел Меси ќе биде целосно подготвен за натпреварите на Аргентина од квалификациите за Светското првенство против Уругвај и Бразил. Како што објави селекторот Скалони, и покрај неговата пауза од терените во изминатите недели, тој ќе биде подготвен за настап.
Меси (36) последен пат играше на 21 октомври за Интер Мајами во регуларниот дел од сезоната на МЛС на САД, но неговиот тим не успеа да се пласира во плеј-офот.
„Меси се чувствува одлично и одлично се снаоѓа. Иако одигра само еден натпревар во последните 25 дена, тој тренира нормално, тој е здрав и фит”, изјави Скалони.