Ракометарите на Алкалоид веќе се во Данска, каде се аклиматизираат и подготвуваат за утрешниот дуел со Силкеборг во рамките на ЕХФ Европската лига. Јасно е дека домашниот тим е фаворит, станува збор силен противник, но стратегот на нашиот тим Кирил Лазаров од своите момци бара максимално да се одигра овој меч.
Па така во куса изјава за ФБ профилот на РК Алкалоид, тој посочи:
„Се надевам дека ќе имаме подобра реализација од мечот во Скопје, и во реваншот ќе покажеме поголема борбеност и поголема мотивираност“.
Инаку играчите денешниот ден го минаа и во прошетка по данскиот воздух, од фотографиите се гледа дека атмосферата е добра и дека има решеност кај момците на Лазаров да го дадат максимумот на утрешниот меч кој започнува во 20:45 часот.
