Два дена по поразот од Самсун (2:3), што беше четврти меч по ред без победа, турскиот суперлигаш Адана Демирспор го отпушти холандскиот тренер Патрик Клајверт. Некогашниот холандски ас на клупата на Адана издржа само 20 натпревари.
Летоска добро тргна во квалификациите за Лигата на конференции, но испадна од Генк на пенали. Имаше добар старт и во турската Суперлига, а потоа екипата „заринка“, три ремија и сега пораз од Самсун и пад на петтото место беа причина раководството да побара нов тренер.
