Во пресрет на ЕУРО 2024, селекцијата на Србија треба да одигра најмалку четири контолни или подготвителни натпревари. Една од нив е е мечот со Русија и тоа на 21 или 22 март, и тоа на “Газпром Арената“ во Санкт Петеребург. Ова утринава го информираат медиумите кај нашиот северен сосед, се чека само официјална потврда од страна на Фудбалскиот Сојуз на Србија.
Ова не би била вест која вреди нешто да се споменува, но треба да се знае дека Србија ќе биде првата земја односно фудбалска репрезентација која ќе одигра натпревар со Русија од почетокот на Руската агресија врз Украина, која трае веќе речиси две години.
Да потсетиме дека УЕФА и ФИФА токму поради таа агресија, ја исфрлија Русија од сите нивни натпреварувања.
