Дури 12 учесници ќе има на Светското клупско првенство во 2025 година кое ќе се одржи во Соединетите Американски Држави, одлучи ФИФА. Засега три се сигурни:
Челзи, Реал Мадрид и Манчестер Сити како победници на претходните изданија на ЛШ почнувајќи од 2021 година.
Сигурно место ќе има и победникот на 2024 година. Останатите учесници ќе бидат познати по УЕФА коефициентот во последните пет години.
Шампионатот ќе се одржи од 15 јуни до 13 јули 2025 година, а вкупно ќе учествуваат 32 клубови поделени во осум групи со по четири тимови со тоа што првите два ќе се квалификуваат во нокаут фазата.
Азија ќе има четворица учесници, а Ал Хилал (Саудиска Арабија) и Урава (Јапонија) си обезбедија место како азиски шампиони во 2021 и 2022 година.
Од Африка сигурни се Ал Ахли (Египет) и Видад Казабланка (Мароко) како шампиони на Африка во 2021 односно 2022 година.
Од КОНКАКАФ зоната засега сигурни се Монтереј и Леон (двата од Мексико) и Сиетл Саундерс (САД).
Од Јужна Америка учество ќе земат бразилските Палмеирас, Фламенго, Флуминенсе и уште тројца други клубови. Од Океанија еден клуб.
