Шампионот на Македонија, Пелистер објави дека спогодбено го раскинале договорот со српскиот интернационалец Дарко Стевановиќ. Српскиот лев бек заминува по десет месеци откако дојде од Мешков Брест.
Ова е трето странско заминување од Пелистер. Битолскиот клуб претходно им се заблагодари на данските интернационалци Каспер Кисум и Андреас Јохан Нилсен.
Пелистер во вториот дел од сезоната ќе добие нов лик, а во првото коло од плеј-офот ќе се соочи со најголемиот ривал за титулата Вардар.
