Германецот Андреас Велингер е победник на првата станица на новогодишната турнеја „Четири скокалници“. На спектакуларното отворање на натпреварувањето денеска во Оберстдорф, Андреас Велингер славеше со скокови од 139,5 и 128 метри и вкупно освоени 309,3 поени.
Второто место го зазеде Јапонецот Рјоју Кобајаши, кој имаше три бода помалку, а имаше скокови од 134,5 и 129 метри. На третото место беше Австриецот Штефан Крафт, кој имаше скокови од 132,5 и 125 метри (298,9).
Одличниот Словенец Ловро Кос, кој имаше скокови од 123 и 139,5 метри (289,7 поени) на крајот се задоволи со пласман на четвртото место.
Во недела, на 31 декември, следуваат квалификациите за втората станица во Гармишпартенкирхен, каде натпреварувањето е закажано за првиот ден од 2024 година.
Andreas Wellinger is 𝐯𝐢𝐜𝐭𝐨𝐫𝐢𝐨𝐮𝐬!
What a win in front of an ecstatic home crowd in Oberstdorf! 🇩🇪
Ryoyu Kobayashi and Stefan Kraft claim second and third 🥈🥉#FourHills | @FISskijumping pic.twitter.com/ZYj8R6dTQ7
— Eurosport (@eurosport) December 29, 2023
