Го нема Златан Ибрахимовиќ, кој беше „претплатен“ за титулата најдобар играч на годината во Шведска, и сега дојде време за Дејан Кулушевски. “Македонецот“ со потекло од охридско, кој како младинец играше за Македонија, но потоа посака да го носи дресот на Шведска.
Сега Дејан, кој и тоа како добро го знае македонскиот јазик, е голема ѕвезда во Премиерлигата и блеска во дресот на Тотенхе. Токму затоа е и избран за фудбалер на годината во неговата Шведска за 2023. Да потсетиме дека тој беше најдобар и за 2022 година.
