Лошите вести за Рома никако да запрат. По елиминацијата во Купот на Италија, денеска стигна вест дека ѕвездата на Рома, Пауло Дибала, нема да игра на дербито во Серија А со Милан.
Репрезентативецот на Аргентина беше клучна фигура во тимот на Жозе Мурињо од неговото доаѓање пред 18 месеци, но често има повреди.
Креативниот фудбалер ги одигра првите 45 минути во поразот од Лацио во средата навечер, но беше принуден да оди надвор од игра. 30-годишниот напаѓач во наредните денови ќе биде подложен на уште една рунда тестови за да се утврди сериозноста на повредата.
