Кошаркарите на Филаделфија славеа против шампионот Денвер со 126:121 и ја остварија третата последователна победа во НБА лигата. Во дуелот меѓу двајца играчи кои се борат за МВП титулата, Џоел Ембид и Никола Јокиќ, славеше Ембид кој во 18. последователен натпревар постигна повеќе од 30 поени. Ембид натпреварот го заврши со 41 поен, 10 асистенции и седум скока.
Јокиќ натпреварот го заврши со 25 поени, 19 скока и три асистенции.
Лос Анџелес Клиперс ја победи Оклахома со 128:117 и ја забележа деветтата победа во последните 11 натпревари. Пол Џорџ ги предводеше Клиперси со 38 поени, седум скока, пет асистенции и три украдени топки. Џејмс Харден постигна 16 поени со осум асистенции и пет скока, а Кави Ленард имаше 16 поени.
Феникс го победија Сакраменто со 119:117 поени со поените на Кевин Дурент од линијата за слободни фрлања на 1,8 секунди до крајот. Тој го заврши натпреварот со 27 поени, пет скока и четири асистенции, додека Грејсон Ален постигна 29 поени. Сакраменто имаше предност од 22 поени и не успеа да победи.
