Францускиот напаѓач Килијан Мбапе веќе добил понуди од Пари Сен Жермен и Реал Мадрид, но се уште е неодлучен каде ќе игра следната сезона, пренесува ESPN. Нема информации за конкретните понуди и нивната вредност, но јасно е дека во ПСЖ заработува 37 милиони евра годишно и понудата за продолжување на договорот нема да се промени во овој поглед.
Сепак, Реал Мадрид нуди многу помалку отколку во 2022 година. Во моментов најскап играч на „Сантијаго Бернабеу“ е Џуд Џуд Белингам (10,5 милиони евра годишно), а се верува дека клубот горе-долу му нуди иста сума и на Мбапе. Во соблекувалната на Реал се оптимисти дека францускиот капитен ќе потпише со „галактикоси“. Згора на тоа, претседателот Флорентино Перез лично ги води преговорите со Мбапе и е во контакт со него.
Германското издание „Билд“ ја откри вкупната сума што треба да ја добие Килијан Мбапе доколку се реализира неговиот трансфер во Реал Мадрид. Тој сака плата од 70 милиони евра годишно, како и најмалку 100 милиони евра/125 милиони евра плус променлива провизија за неговата мајка, која е и негов агент. Исто така, напаѓачот бара вкупно околу 125 милиони евра, кои може да се исплатат како сезонски бонус за времетраењето на петгодишниот договор. Тоа значи дека тој бара над 400 милиони евра за него и неговото семејство.
