Тренерот на Реал Мадрид – Карло Анчелоти го коментираше ремито 1:1 на неговиот тим против тимот на Атлетико Мадрид во средбата од 23. коло на шпанската Ла Лига. Според италијанскиот стручњак, пропуштената победа не е причина за загриженост, бидејќи „белиот балет“ добро се претставува.
„Одигравме добар натпревар, ја контролиравме играта, но немавме среќа и признавме на крајот. Реал Мадрид победи на многу натпревари оваа сезона благодарение на головите во последен момент, не треба да се обвинуваме себеси. Водиме пред сите. Не сум загрижен, тимот игра добар фудбал. Ова ми дава доверба во нашата иднина“, изјави Анчелоти за „АС“.
Тренерот на „кралевите“ посебно го пофали голманот Лунин, кој имаше одлучувачка интервенција во некои од ситуациите на натпреварот.
„Видов многу добра игра од него, тој одбрани по ударот на Гризман, многу не спасуваше во текот на натпреварот. Заврши многу добра работа“, додаде Анчелоти.
