Маурицио Покетино изјави дека добил пораки за поддршка од раководството на Челзи по незадоволството на навивачите од нивната игра, објави Би-Би-Си.
Челзи во претходните две кола беше убедливо поразен од Ливерпул и Вулверхемптон и моментално е 11. на табелата, што предизвика големо незадоволство кај навивачите.
„Добив пораки за поддршка од сопствениците, секојдневно сум во контакт со нив и со спортскиот директор“, изјави Покетино.
Аргентинецот вели дека е важно сите да работат заедно за излез од кризата.
„Навивачите мора да веруваат во нас, да им овозможиме на играчите смиреност на теренот и слобода да играат“, изјави тренерот на Челзи.
Челзи потроши повеќе од 1 милијарда фунти на трансфери откако новиот сопственик Тод Боли го презеде во мај 2022 година, и забележа само девет победи оваа сезона.
Навивачите треба да видат дека навистина се грижиме за клубот. На навивачите им ветувам дека играчите ќе имаат желба за победа“, изјави Аргентинецот.
