Во заостанатиот меч од 18. коло во англиската Премиерлига, шампионот Манчестер Сити, минимално, со 1:0 славеше над Брентфорд и успеа да дојде на бод од лидерот Ливерпул на табелата во најсилното европско национално првенство.
Единствениот гол за победа за Сити дојде во 71. минута (ВИДЕО), кога Халанд погоди по 17-ти пат сезонава и му донесе исклучително важна победа на тимот на Пеп Гвардиола. Сити имаше уште неколку убави шанси да ја потврди победата, но не успеа да погоди од чисти позиции.
