Екипата на Магдебург славеше минимална победа над Барселона со 29:28 во дербито на колото во групата Б од ракометната Лига на шампиони. Тоа е претпоследен меч од групната фаза, а Магдебург со овој триумф се израмни бодовно со Барселона и двете екипи ги држат првите две позиции со по 22 бода.
Првите две екипи одат директно во четвртфинале, а третото место го држи Веспрем кој вечерва славеше кај Монпеље со 37:31 и има 20 бода.
На мечот во Германија, се водеше жестока борба, на полувреме Барса имаше гол предност, а водство имаше и во финишот за потоа Магдебург да ги сврти работите. Гисли со погодок во последната секунда ја обезбеди победата на германската екипа.
This is how you win #MOTW and the #POTM 𝐊𝐫𝐢𝐬𝐭𝐣𝐚𝐧𝐬𝐬𝐨𝐧 did it ✨#ehfcl #clm #daretorise pic.twitter.com/wFGRQ1NCs8
— EHF Champions League (@ehfcl) February 29, 2024
