Спортскиот директор на Јувентус, Кристијано Џунтоли е заинтересиран да го донесе Џакомо Распадори од Наполи во дресот на „Старата дама“ ова лето, бидејќи Јувентус бара можна замена за Федерико Киеза.
Киеза не успеа да фати ритам во Торино оваа сезона, се уште се справува со ситни повреди и фитнес проблеми. Со помалку од 18 месеци до крајот на неговиот договор со Јувентус, постојат сомнежи за иднината на Киеза во клубот, а некои веруваат дека ова лето би можело да биде совршено време за продажба на крилниот напаѓач.
Џунтоли внимателно го следи Распадори од Наполи, кој добро го познава од времето кога работеа заедно. 24-годишниот играч, кој беше донесен во Неапол токму од Џунтоли во летото 2022 година, се уште нема статус на редовен стартер во Наполи.
