Кошаркарите на Далас синоќа успеја да слават во пресметката со Голден Стејт и тоа без својот најдобриот кошаркар Лука Дончиќ, со што се се поблизу до потврда на местото во плеј-офот. Словенечкиот виртуоз не играше поради проблеми со коленото, но неговите соиграчи понудија одлична партија и победа од 108:106, со што им се одмаздија на Вориорс за неодамнешниот пораз во Сан Франциско. Победничкиот кош го постигна Пи Џеј Вашингтон, кој постави рекорд со 32 поен, додека Кајри Ирвинг постигна 26 поени, а кај гостите се истакна Стивен Кари со 28.
Њу Орлеанс не успеа да ја прекине серијата порази и е се подалеку од плеј-офот. Пеликанс потфрлија на домашен терен против Сан Антонио и загубија со 109:111. Херб Џонс можеше да му донесе водство и победа на Њу Орлеанс на десет секунди до крајот, но Виктор Вембањама кој постигна 15 од своите 17 поени во второто полувреме, го блокираше неговиот шут.
Шестопласираниот Феникс одигра одличен меч против лидерот на Западот, Минесота и на крајот славеше со 97:87 во меч во кој двата тима одиграа одлична одбрана. Грејсон Ален постигна 23 поени, Кевин Дурент 22 поени, а Девин Букер 13 поени и 13 асистенции. Кај гостите, Ентони Едвардс постигна 17 поени на скроен просек од поле 6/19.
НБА РЕЗУЛТАТИ:
Шарлот – Орландо 124:115
Индијана – Оклахома 126:112
Вашингтон – Портланд 108:102
Бостон – Сакраменто 101:100
Чикаго – Њујорк 108:100
Хјустон – Мајами 104:119
Мемфис – Детроит 108:90
Милвоки – Торонто 111:117
Њу Орлеанс – Сан Антонио 109:111
Далас – Голден Стејт 108:106
Феникс – Минесота 97:87
ЛА Клиперс – Јута 131:102
