14-годишниот американски „вундеркинд“, Каван Саливан, го потпиша својот прв договор со МЛС тимот Филаделфија. Според американските медиуми, кога ќе наполни 18 години, младиот американски фудбалски бисер ќе замине во Европа, и ќе го облече дресот на Манчестер Сити.
Денеска беше историски ден за американскиот фудбал и американскиот спорт воопшто, затоа што Саливан всушност го потпиша својот прв професионален договор со Филаделфија Унион.
Играчот од средниот ред, роден во 2009 година, го потпиша својот прв договор со МЛС франшизата на само 14 години и ќе го носи дресот со број 6. За него многумина сметаат дека е еден од идните феномени на светскиот фудбал.
Cavan Sullivan. Number 6. Philadelphia Union.#DOOP pic.twitter.com/7T6wQQoWNQ
— Philadelphia Union (@PhilaUnion) May 9, 2024
