Менаџерот на Ливерпул, Јирген Клоп изрази жалење што пропуштил победа против Астон Вила. „црвените“ загубија предност од два гола и мечот на „Вила Парк“ заврши 3:3.
„Победата ни се лизна. Игравме многу добар фудбал. Одигравме навистина добро и направивме огромни проблеми на противникот. Направивме и многу додавања пред смените. После тоа Астон Вила почна поопасно да напаѓа и често влегуваше во нашиот шеснаесетник. Моравме да направиме корекции, но направивме грешки. Тоа беше само почеток. Противникот израмни и не ни разбрав како се случи. Со оглед на ситуацијата во која се наоѓаме, момците покажаа исклучителен карактер. Сакавме да победиме. На 3:2 стана многу тешко. Тоа е се што можам да кажам“, изјави Клоп.
Ливерпул се наоѓа на третото место на табелата во Премиер-лигата со 79 бода зад Сити кој има 85 бода и меч помалку, и лидерот Арсенал со 86 бода.
