Манчестер Сити идната недела треба да се соочи со Премиер лигата во правна битка околу комерцијалните правила на организацијата. Сити ќе ја тужи Премиер лигата за „дискриминација на сопствениците“.
Според „Тајмс“, граѓаните сакаат да ги укинат правилата за трансакции меѓу здружените страни што ги спречуваат клубовите да формираат комерцијални партнерства со компании поврзани со сопственикот или се во сопственост на самите сопственици на клубовите.
Сити тврдат дека се дискриминирани бидејќи ги води шеикот Мансур од Обединетите Арапски Емирати.
Според Премиер лигата, сите такви спонзорски договори треба да бидат по фер пазарна вредност и да не се вештачки надуени. Доколку го нема ова, тогаш клубовите би можеле да договорат спонзорски договори колку што сакаат, без ограничување, што би го зголемило износот што би можеле да го потрошат според правилата за профит и одржливост. Од Премиер лигата велат дека овој потег „ќе ја подобри ефикасноста и прецизноста на системот“.
Правилата им дозволуваат на клубовите да изгубат најмногу 105 милиони фунти во текот на три години.
Да потсетиме дека Дисциплинската комисија летоска ќе ги сослуша раководните луѓе од Манчестер Сити во врска со 115 обвиненија против Сити за наводно кршење на неговите финансиски регулативи, од кои некои датираат од 2009 година.
