Кристапс Порзингис блескаше во победата на Бостон Селтикс над Далас Маверикс 107:89. Селтикси на тој начин поведоа со 1:0 во финалната серија на НБА, која се игра на четири добиени натпревари. Летонецот се врати после повредата, тој се уште има болки, па против Далас играше со завој на десната нога и само 20 минути. Но, и покрај сето тоа постигна 20 поени, со 6 скока и 3 блокади.
Кога миленикот на навивачите на Селтикс се појави на теренот во Бостон Гарден беше пречекан со овации. Сепак на Летонецот најмногу му годеше еден момент, а тоа средбата со Пеп Гвардиола пред дуелот со Далас. Шпанскиот стратег го пратеше овој меч од првиот ред.
Pep 😍 pic.twitter.com/N1IcfdrqUj
— City Chief (@City_Chief) June 7, 2024
Гвардиола, голем фан на кошарката и навивач на Селтикс, дојде во финалето на НБА за да го посети Џо Мазула, тренерот на Бостон. Тој го посети Пеп во февруари во Манчестер бидејќи сакаше да го запознае најдобриот фудбалски тренер во светот. Потоа се фотографираа со Мазула облечен во дресот на Сити, а Гвардиола во Селтикс.
