Дарио Ивановски постави нов државен рекорд во полумаратон на Европското првенство кое се одржува во Рим, Италија.
Најдобриот македонски атлетичар на долги патеки трката ја заврши со време од 1:04.01 часа. Ивановски со овој резултат постави нов национален рекорд подобрувајќи го своето најдобро време кое досега изнесуваше 1:04.45 часа.
Ивановски трката ја заврши на 29. место во конкуренција на 64 полумаратонци.
Победник на полумаратон на ЕП е Италијанецот Јеманеберхан Крипа кој патеката ја истрча со време од 1:01.03 часа.
