Дефанзивецот на Јувентус, Данило, ќе ја носи капитенската лента во репрезентацијата на Бразил за време на Копа Америка. Тој ќе ја преземе лентата од дефанзивецот на ПСЖ, Маркињос.
Дефанзивецот на Јувентус всушност ќе биде капитен на „кариоките“ на претстојното издание на Копа Америка, кое ќе се одржи во САД од 20 јуни до 14 јули.
„Тоа е остварување на сонот“ – изјави Данило. „Оваа улога на почетокот на циклусот ме прави среќен“ , дополни тој.
Данило за првпат ја носеше капитенската лента за време на пријателскиот натпревар одигран на „Вембли“ против Англија на 23 март.
