Некогашниот фудбалер на Вардар, а сегашен репрезентативец на Албанија, Јасир Асани ќе биде ново засилување за шпански Лас Палмас. Како што објавија шпанските медиуми, Лас Палмас е блиску до потпис на договорот со Асани, кој минатата сезона ја помина во екипата на Гвагжу во Ј. Кореја.
Албанскиот напаѓач има преддоговор со клубот од Канарските Острови и по ЕП треба да потпише на две сезони. Шпанските медиуми откриваат дека се уште кочницата на реализацијата на договорот е неговиот клуб Гвангжу кој се уште не сака да му дозволи на Асани да замине, затоа што неговиот договор е со важност до декември.
Доколку не се согласат за предвремен раскин, Лас Палмас по се изгледа ќе чека на комплетирање на трансферот во јануари.
