Кошаркарите на Канада остварија победа од 86-79 против репрезентацијата на Грција во првото коло на Олимписките игри. Канаѓаните ја оправдаа фаворитската улога и без поголеми проблеми ги совладаа Грците.
Кај Канада најефикасен беше РЏ Берет со постигнати 23 поени, додека пак кај грчката репрезентација најдобар беше Јанис Адетокумбо кој уфрли 34 поени. Канаѓаните стартуваат со многу важна победа во групата А каде што се наоѓаат и репрезентациите на Австралија и Шпанија.
Во второто коло Канада ќе ги одмери силите со Австралија, а Грција ќе се соочи со репрезентацијата на Шпанија.
