Третиот македонски претставник на Летните олимписки игри во Париз, Еди Шерифовски, го заврши настапот во натпреварите во џудо со пораз во првата рунда. Шерифовски загуби со ипон во првиот дуел на Игрите против Бразилецот Гиљерме Шимит, кој ја потврди фаворитската улога.
Пред Шерифовски своите настапи на Игрите ги завршија и пливачот Ѓуретановиќ и нашата стрелачка Мојсовска.
Следува голема пауза до следниот настап на македонските олимпијци.
Следните, и тоа два, се на 8 август кога ќе настапат таеквондистката Милјана Рељиќ и борачот Владимир Егоров.
Последен од македонските олимпијци ќе настапи атлетичарот Дарио Ивановски во маратонската трка закажана за 10 август.
