Селекторот на Холандија, Роналд Куман зборуваше за одлуката на репрезентивецот Стивен Бергвајн да отиде во Ал Итихад од Саудиска Арабија. На Куман не му се допадна ова и го искритикува играчот.
„Трансфер во Саудиска Арабија, на 26 години е потврда за недостаток на спортска амбиција. За него вратата во холандската репрезентација е затворена“, изјави Куман.
Бергвајн направи трансфер од Ајакс во Ал Итихад за 23 милиони евра и им се приклучи на Бензема и Канте кои играат во овој клуб.
Во меѓувреме, освен Бергвајн, Ал Итихад ги претстави и Данило Переира и Марио Митај како нови играчи. Централниот бек Переира дојде од ПСЖ, а левиот бек Митај од Локомотив Москва.
