Се играше 90+6.минута, резултатот беше 0:1 за Вардар. Домашниот Тиквеш постигна гол за 1:1, судиската тројка на чело со Александар Ставрев го поништи и дојде до инцидент во кој страдаше помошникот Гоце Петрески кој беше удрен. По ова Ставрев го прекина мечот, ова е дефинитивно.
Значи официјално овој натпревар не е завршен туку е прекинат. Ова значи, ако се знаат пропозициите, дека Вардар ќе го добие овој меч со службени 0:3.
Јасно е дека никој не посакуваше ваков исход, никој не сакаше спектаклот да заврши со прекин.
Инаку Вардар постигна гол преку Закариќ во 72.минута, тоа беше фантастичен гол кој за негова жал нема да му важи.
Сега службите во ФФМ ќе треба да ја завршат својата работа, иако се знае дека овој меч Тиквеш – Вардар ќе биде регистриран со службени 0:3.
