Во меч од 5.коло во тековната сезона во нашата елитна кошаркарска лига, ТФТ како домаќин со 82:73 успеа да го совлада составот на Шкупи. Ова беше петти триумф на тимот од ТФТ, па така сега има максимални “пет од пет“.
На почетокот не изгледаше дека ќе биде така лесно за лидерот и единствениот непоразен тим во досегашниот дел од сезоната. Гостите ја добија првата четвртина со 14:16. Сепак како што одминуваше времето, а посебно во вториот и третиот период од овој меч, домашните одигра далеку поквалитетно и само си ја билдаа разликата во своја корист. Особено добри беа кошаркарите на ТФТ во третата четвртина која ја добија со +15 или 30:15.
Во последната четвртина, кога веќе беше се готово, малку се опуштија, но пак забележаа победа.
Најефикасни кај победничкиот состав беа Сапунџиев со 13 поени и Зафиров со 11. Додека кај поразениот тим Арчи со 21 поени имаше одличен настап.
