Во рамките од третото коло од групата „Х“ од квалификациите за Евробаскетот 2025, кошаркарската репрезентација на Македонија на 21. ноември, од 18.часот, во салата на СРЦ „Кале“ во Скопје ќе го одигра квалификацискиот дуел со селекцијата на Литванија.
Добро познат ривал за нас, од она легендарно ЕП во 2011 година одржано токму во оваа земја, кога го шокиравме кошаркарскиот свет и ги елиминиравме токму Литванците изборувајќи пласман во полуфиналето. Тогаш бевме на чекор до финале, загубивме од Шпанија, а сега во некои други времиња ќе се обидеме да направиме подвиг на домашен терен и да обезбедиме триумф.
Билетите за мечот Македонија – Литванија од денеска се во продажба преку онлајн мрежата „МKTICKETS.MK“ по цена од 300 денари.
