Утре со почеток во 20:45 часот репрезентацијата на Македонија го игра првиот од двата последни меча од тековната Лига на Нации. Противник е Летонија, репрезентација со која имаме позитивен скор во оваа кампања.
Ние сме фаворити, но противникот во Скопје пристигна секако со свои амбиции, планови и стратегија. Што очекува Летонија од утрешниот дуел, кажа на официјалната прес конференција која се одржа предмалку на Арената во Скопје.
Паоло Николато: Не се оптоваруваме со противникот, пробуваме да наметнеме свија игра
„Македонија е одличен тим, но ние мора да ја играме нашата игра, да се потрудиме да ја наметнеме нашата филозофија, и секако да се обидеме да извлечеме максимум. Барам од моите играчи агресивност на високо ниво, барам правилен пристап. Ние сме пласирани 80% но сепак, сеуште не е готово.
Македонија е добар тим, но ние сме задоволни како одигравме на тие дуели иако загубивме. Сакаме да се натпреваруваме, немаме намера да се оптеретуваме со еден или два меча.
Се фокусираме исклучиво на нашата игра. Не се оптеретуваме премногу со противникот. Сакаме да играме фудбал, тоа е нашиот пристап. Работам со овој тим од март, нормално дека ќе смениме нешто, ќе направиме некакви измени, и ќе го направиме најдоброто за Летонија како тим во моментов“ – рече селекторот на Летонија.
Од друга страна пак, стоперот на Летонците, Антонијс Черномордијс смета дека сите проблеми кои неговиот тим ги има во моментов мора д асе решаваат во од и дека нема премногу време за навраќање на она што било.
Антонијс Черномордијс : Проблемите ги надминуваме, како индивидуални така и колективни
„Ќе мора да се поправиме на тема комуникација. Добро е што имаме разлики, се надополнуваме, од друга страна добро е и да се има спротивставени ставови. Како професионалец мора контантно да се докажуваш и да се трудиш да бидеш најдобар. За да се биде дел од репрезентацијата мора да си на одредено ниво и со одредени стандарди. Секако дека имам конкуренција, но самоуверен сум во моите квалитети. Во фудбалот е најважно да се победува, да се освојуваат дуелите, не бевме на потребното ниво на последните мечеви против Македонија, но се надеваме дека ќе се поправиме овојпат“ – изјави Черномордијс
