Екипата на Ботафого е новиот шампион на Бразил! Титулата за Ботафого стигна по една голема победа над Сао Паоло од 2:1 во последното 38. коло од популарното Бразилеро, што значеше дека освојувачот на Копа Либертадорес освојува уште еден голем трофеј оваа сезона во Јужна Америка.
Хеферсон Саварино (37′) и Грегор (90’+2′) беа стрелците на головите за Ботафого во победата над Сао Паоло со што Ботафого заврши со шест бода предност пред нивните годинешни ривали Палмеирас на конечната табела во лигата.
На Ботафого му помогна и „киксот“ на Палмеирас, кој играше во исто време, но загуби од Флуминенсе со 0:1.
Триумфот за Ботафого доаѓа нешто повеќе од една недела откако тимот го освои и Копа Либертадорес, а ова за клубот од Рио де Жанеиро е прва титула од 1995 година, како и трета вкупно во историјата на клубот.
